Han har reist med M/F Flatøy mellom Sandvikvåg og Halhjem (eller motsett veg) personen som har mista denne flotte votten. Eigaren har (truleg) kome ned trappa frå salongen og var på veg ut i frisk sjølufta då votten fall i dørken. Finnaren la han fint på toppen av dunken som tek imot tome flasker – og der venta det varmande plagget på eigaren då fotografen gjekk framom i helga.