Det er aktivitet i naturen på så mange område, også lokalt, går det fram av protokollen etter møtet i Fitjar viltnemnd tidlegare i månaden. Dette vart teke opp under posten «ymse».
Viltnemnda ynskjer å gjennomføre ei kartlegging av viltbestanden i fjellet. Det er observert teikn til overbeiting, mellom anna kraftig nedbeiting av blåbærlyng. Viltnemnda ber kommunen søkje støtte gjennom tilskotsordningar, som til dømes «Tilskudd til vilttiltak» frå Landbruksdirektoratet, for å finansiere kartlegginga. Det bør engasjerast fagperson(ar) med kompetanse på viltøkologi og beitebruk for å gjennomføre undersøkinga.
Det er vidare registrert ein uønskt stor bestand av kråker i kommunen. Dette har konsekvensar for både fugleliv og beitenæring:
• Kråka tek viper og andre bakkehekkande fuglar.
• Det finst observasjonar som tyder på at kråker òg kan ta lam.
Viltnemnda fremjar difor følgjande forslag:
• Innføring av skotpremie på kråke.
• Undersøkje moglegheita for bruk av kråkefeller.
• Sjå til erfaringar frå andre kommunar med tilsvarande tiltak.
• Samle biletdokumentasjon som grunnlag for tiltak.
• Stikkontrollar kan bli aktuelt for å følgje opp ei eventuell skotpremieordning