Kommunestyrerepresentant Nancy Johanne Aasheim (Sp) saknar natteravnordning i Stord og har no fått oppklarande brev frå kommunedirektør Tommy Johansen, som skriv
«I Stord kommune har Natteravnordninga vore organisert av Frivilligsentralen. Fram til 2024 har leiar ved Frivilligsentralen nytta mykje arbeidstid på å skaffa natteravnar, t.d. vore på foreldremøte på alle ungdomsskulane og informert om ordninga, men resultatet har likevel vore at veldig få frivillige har meldt seg til å vera natteravn på konkrete tidspunkt. Det er og prøvd ut rekruttering via ulike nettsider og sosiale media, men med same resultat. Dei siste åre kommunen hadde ordninga har Natteravnane vore ute eit par helger i mai. Leiar ved Frivilligsentralen har sjølv teke på seg å gå natteravn, med dette er ikkje ei berekraftig måte å organisera ordninga på. Me har difor valt å legge Natteravnordninga «i dvale» og ynskjer å få til at eit lag eller organisasjon tek over ansvaret for ordninga. Me ser at i andre kommunar vert Natteravnordninga organisert av eit lag/organisasjon eller som eigen organisasjon jf. Natteravnene i Bjørnafjorden, det er og vanleg at eit kommunalt FAU står for organiseringa. Det er samtidig slik at det ikkje er mogleg å få på plass ny organisering før mai 2025 så om det er personar som ynskjer å vera Natteravn ber me dei ta kontakt med Frivilligsentralen. Eg håpar at gode krefter finn ei løysing på denne saka.»