Aktiviteten ved Stord Maritime Museum aukar for kvart år! Fleire besøkande og større aktivitet gjer at museet treng fleire frivillige. Sjølv om venelaget har mange gode hjelparar, dyktige frivillige som gjer ein kjempejobb, treng dei fylla på med fleire for å dekka alle oppgåver.
Er du ein som ønskjer å bidra?
Du vil bli ein del av eit triveleg fellesskap og din innsats kan vera med å gi maritime museum eit enno betre tilbod.
Dei treng formidlarar/omvisarar, frivillige med interesse for innsamling av kyst-/industrihisorie og som kan leggja til rette for tekst. Hjelp ved arrangement, ope museum og til ulike arbeidsoppgårver som vakter, handverkarar til snekring, maling og anna vedlikehald. Treng også frivillige til organisasjonsutvikling.
Er du interessert – ta kontakt!. Gjerna ein e-post til venelaget@stordmaritiem.no.
Maritime Museum er ope tysdagar mellom kl. 10.00 og 14.00.