Råd og utval i Stord har for tida drøftingar kring plassering og storleik på institusjon med nye sjukeheimsplassar. Det ligg føre fleire alternative løysingar, mellom desse er å gjennomføra planane for nye sjukeheim med 64 plassar på eigen kommunal tomt ved Knutsaåsen omsorgssenter.
Etter framlegg frå Else Berit Helle, vedtok Råd for menneske med nedsett funksjonsevne slik uttale i spørsmålet på møtet måndag:
«Rådet ser det som avgjerande at ein kjem i gong med arbeidet så fort som råd, og at arbeidet ikkje vert forseinka. Dette då det allereie er venteliste, og mennesker som treng eit tilbod. Det vil vere tenleg å gå for Knutsaåsen, då ein kan bygge på det eksisterande fagmiljøet og dette vil gjere det mogleg med meir fleksibel nytte av personalressursar.»