Det mørknar både morgon og kveld og dei mange med utsikt til Moloen og Onarheimsparken, lurer på kor det blir av lyset på Storddøra.
– Dette er jo velkomsten til Leirvik, seier godtfolk.
Lenge figurerte det ei politisk sak i kommunen om lyssetting av Storddøra i den mørkaste årstid, men endeleg vedtak vart ikkje teke.
Eit spørsmål frå Stordront til eininga for kultur, som hendlar den offentlege utsmykkinga, blir då:
– Kva er status i saka om lys på «døro»?
Her er svaret:
– Ja, Storddøra er verkeleg velkomsten til Leirvik, det er me samde i.
Status er at det så langt ikkje har vore plass til ljossetting i budsjetta.