Sola stakk seg fram mellom skydottane og formeleg bad hyggjelege menneske setja seg på næraste offentlege parkbenk og nyta stunda. Brått vart me to, den eine vel 90 i alder, den skrivande noko yngre. Praten gjekk om det kvardagslege og sjølvsagt oppfrisking av livsminne. Lunsjen nærma seg og det vart tid for å gå kvar til sitt. Då var det det lure smilet kom i andletet til den eldste og desse visdomsord vart servert:
– Ja, eg får sei som besto mi alltid sa; – No må du gå fint heim, og skulle du få noko hos nokon – ja, då må du huska å takka!
Nokre andre gode ordspel å ta med inn i helga:
- Den som veit mest, snakkar ofte minst
- Kva ein veit, veit ingen – kva to eller tre veit, veit alle
- Ingen røyk utan eld
- Gjer noko godt, så ryktast det minst
- Når eitt ord bli sagt, blir 10 lagt til
Så nokre ord som var på veg ut av Stordamålet alt for 50 år sidan:
- Lystemæte = lyst å gjera noko for moro
- Lægervald = rådlaus, opprådd
- Løypa = verma ukokt mat til kokepunktet
- Løypt = halvkokt
- Magemål = eta med måte