Steinmassen som er lagra i dunge tett innpå rundkøyringa på Vabakkjen og fylkesveg 544, kan reknast som markering av utgangspunktet for ei fjerde avkøyring frå det me kan påstå er ei av dei store trafikkmaskinar i kommunen. Den nye av- (og påkøyrsla) skal leia trafikken til og frå Stord vidaregåande skule – og til den mykje nytta parkeringsplassen ved inngangen til Landåsen. Noverande veg opp til skuletomta skal stengjast for bil og blir i framtida berre for trøande. Den store parkeringsplassen for nyeskulen er teikna inn på oppsida av bygningsmassen, mot Studalen.
