Er du godt vaksen og nyfiken på kva for fritidsaktivitetar som finns for deg? Torsdag 14. mars skipar Eining for kultur og arbeidsgruppa for aldersvennleg samfunn til fritidsmesse for seniorar i Stord kulturhus. Messa opnar med eit føredrag v/ Steinar Hystad. Føredraget handlar om Vikjo og Steinar vil fortelja historier og syna bilete frå Tor Resser si samling. Føredraget skal vera i biblioteket. (Start 10.45)
Me har fått med oss lag og organisasjonar som vil ha stands i vestibylen, dei vil informere om sine mange aktivitetar og tilbod. Bygdekvinnelaget riggar til ein liten kafé, der ein kan få kjøpt seg ein kopp kaffi og noko å bita i. Me ynskjer alle seniorar hjarteleg velkomen til ein kjekk formiddag i kulturhuset.
Eining for kultur og arbeidsgruppa for aldersvennleg samfunn arrangerte liknande fritidsmesse i fjor med stort hell og me håpar å gjenta suksessen i år og, heiter det i utsendt pressemelding frå tilskiparane.
