Litt tidlegare i år refererte Stordront.no e-post frå ein oppsitjar i Stranda-krinsen til Fitjar kommune, kor det i ganske så greie ordlag vart meddelt at det byrja tæra på tolmodet at bygda til vedkomande ikkje har postalt godkjent adresse. Vedkomande trudde, at etter at Engjavik var vedteke i øvste namnegodkjenningsorgan i Noreg, så skulle det brukast. Men når det vart brukt, kom ikkje posten fram – berre tilbake.
Dette beklaga kommunen i første runde, medan det vart endeleg i orden i postsakene i neste melding frå kommunen.
Postalt går stadnamnet Engevik over i soga, til fordel for Engjavik, 5419 Fitjar.