![](https://usercontent.one/wp/www.stordront.no/wp-content/uploads/2023/12/julekonsert-huglo-samarbeidskorps-1024x644.jpg)
Juletonar med julegodt attåt
Onarheim Musikklag kunne tenkt seg fleire musikantar i rekkjene, same ønskjet hadde korpset på Huglo. Det vart eit klart ja til musikalsk samarbeid over Skjelsviksundet, og resultatet er blitt svært så velklingande. Noko ein fullsette gymsal i bygdahuset kunne gleda seg over på julakonserten – med noko attåt – laurdag ettermiddag. Korpset er leia av dirigent Nick Hughes
![](https://usercontent.one/wp/www.stordront.no/wp-content/uploads/2023/12/julekonsert-huglo-kvartett-fra-fitjar-1024x680.jpg)
Attåt samarbeidskorpset Huglo/Onarheim var det gilde juletonar å høyra frå ein kvartett frå Fitjar, men hugloven Harald Rydland som kapellmeister på tangentar, Lisa Instefjord Gilje, vokal, Hans Kobbestad på fele og Heine Helland på bassgitar. Og jodå, versjonen av «eit barn er rødd i Betleheim» i ny og kvikk versjon, slo ann.
Men det var endå meir attåt på denne konserten: Det var avsett god tid til maktøkt, med kaffi og høvande drikke til borna, og eit bugnande kakebord med heimebakt julegodt. Gilde timar med senka skuldre, rett og slett.
Søndag heldt samarbeidskorpset konsert i Onarheim kulturkyrkje, saman med Tysnes Kammerkor.
![](https://usercontent.one/wp/www.stordront.no/wp-content/uploads/2023/12/julekonsert-huglo-publikum-1024x693.jpg)