Ei hyggeleg melding frå Stranda vel ramla inn i vår elektroniske postkasse denne helga.
– Me har fått kr 10.000,- i støtte frå Fitjar kraftlag til bygging av ny petanqbane. Banen er no ferdigstilt, og den har nasjonale og internasjonale standardmål for tevlingar på 4 x 15 m, fortel Svein Olav Raunholm. – Dette er den første petanqbanen i Fitjar kommune med slike standardmål – så vidt me veit, legg han til.
Skjærtorsdag, 17. april, klokka 14:00 vert det opning av den nye petanqbanen ved grendahuset på Hageberg. Følgande står på programmet:
- Musikalsk innslag v/Helga Jordan Raunholm
- Styreleiar Svein Olav Raunholm orienterer om banen
- Snorklypp v/ordførar Wenche Tislevoll
- Kort petanqtevling
– Så blir det sjølvsagt høve for god drøs med gratis kaffi, vafflar og kaker i skulestova.