Kan det vera slik, tru, at måkar som tenkjer på neste generasjon har måtta flytta flørteaktiviteten frå tilgrodde øyar i innsegling til Leirvik, til opne takflater i Kulturhus-kvartalet? Siste åra har det årvisse hekke-løpet til måkane tilført denne delen av sentrum eit himla rabalder, med relasjonsbygging på bakkeplan og reirbygging på taket av Amfi-senter, Kulturhuset, Osen 6 og Bytunet. I området går det for tida føre seg «tjangsing» på både høgt- og lågt plan.