I samband med at det er friluftslivets år ynskjer eining for kultur og leggja ut turforslag kvar veke. Denne veka er det Landåsen og Eventyrskogen som får ein kjapp presentasjon på dei kommunale heimesidene:
Landåsen / Eventyrskogen:
Grøn løype på 4,6 km. Høgdeskilnad: 30 – 60 moh.
Tidsbruk: Omlag 1 time.
Start og sluttpunkt: Parkeringsplassen på Vabakkjen
Turskildring: Dette er ein klassisk søndagstur som går etter ei løype som gjev deg naturopplevingar heile vegen. Turen fylgjer grusvegen inn til Landåsvatnet, der ein tek til venstre mot Skjephaugen. I neste kryss er det eit oversiktskart og skilting mot Eventyrskogen – ei unik framstilling av norske folkeeventyr langs skogsvegen. Dette er eit særskilt interessant turmål for dei aller minste. I neste kryss tek ein til høgre attende til Landåsvatnet for å fullføra rundturen.
