Liv Signe Navarsete, statsforvaltar i Vestland fylke, dreg ikkje den heiltlystig konklusjon etter gjennomgang av økonomien i Stord kommune. Ho har då sjekka både resultaet frå fjoråret, budsjettet for inneverande år og økonomiplanen fram til 2028. Her statsforvaltaren sine vurderingar
«Kommunen hadde eit særleg stort meirforbruk i fjor, og det vil difor vere eit etterslep i driftsnivå inn i dette året. Det er ei krevjande omstilling å redusere driftsutgiftene så mykje som nødvendig. Kommunen må ha fokus på å nå dei målsetjingane som ligg i økonomiplanen. Det er nødvendig å halde budsjettramma og tilpasse aktivitetane til dei inntektene som kommunen har. Det er viktig at kommunen reelt oppnår netto driftsoverskot minst på nivået i budsjett og økonomiplan. Dersom ubalanse på drifta blir vidareført, må det påreknast at kommunen vil kome i ROBEK i eit av dei førstkomande åra.
Kommunen sitt disposisjonsfond er no blitt vesentleg lågare enn det bør vere, berre 0,7 prosent av driftsinntektene. Fondet burde vore mellom kr 100 mill. og kr 200 mill., basert på noverande inntektsnivå. Dette er i samsvar med kommunen sitt eige måltal for disposisjonsfond. Kommunen si lånegjeld er på eit svært høgt nivå. Kommunen må vurdere planlagde investeringar nøye og vere særleg varsam med nye ikkje-avgiftsfinansierte investeringar. Planlagt overføring av VA-sektoren, med tilhøyrande lånegjeld, til eige aksjeselskap endrar ikkje på vår vurdering av kommunen sine låneopptak og lånegjeld. I økonomiplanperioden 2025-2028 er det lagt opp til samla investeringar med om lag kr 0,6 mrd. utanom sjølvkost investeringar i VA. Kommunen må drive i økonomisk balanse for å kunne gjennomføre så store ikkje-avgiftsfinansierte investeringar som økonomiplanen legg opp til. Driftsbalansen og det økonomiske grunnlaget må styrkast for at kommunen skal kunne ta på seg så store ikkje-avgiftsfinansierte investeringar som økonomiplanen legg opp til»