TILBAKEBLIKK: 17. mai 1968 gjekk borgartoget rundt «Rondingen» på Kaien, i nett same retning som alle år seinare. Men frå rundt 1990 var ikkje lenger «Rondingen» berre ein runding lagt på ein open plass på Kaien for å få orden på trafikken. For då hadde «Rondingen» blitt godkjent og skilta som rundkøyring, med vikeplikt for dei som alt var på veg rundt.
Midt i september 1988 vart det anlagt fontene inni rundingen, rund den også. Ikkje alle var samde i den utforminga, fleire hadde ønskje om ein meir skulpturell installasjon og nokre påpeika at dette kanskje ikkje var den beste trafikale løysinga for sentrumsområdet – med ein vass-sprut i midten. Men oppsummert små førti år seinare, kan det vel slåast fast at anlegget har fungert.