Den godt «innarbeidde» gangvegen mellom Studalen/Bandadalen og Vabakkjen via yrkesskulen vart straks meldt sakna då anleggsarbeidet for ny vidaregåande tok til på skuletomta. Byggherren, Vestland fylkeskommune, var straks på pletten og lova ny og betra utgåve av trygg gang- og skuleveg, når nybygget nærma seg klargjeringa.
Den lovnaden er no godt synleg i bakkant av det imponerande skuleanlegget, med ferdig asfaltert og inngjerda gangveg og fortau – som koplar seg fint saman med andre gangsystem på Vabakkjen.