Tre til fem bubilar parkerte på parkeringsplassen på Heio kvar dag i fjor sommar. Ein såpass høg bubilrafikk at Stord fjellsameige bad om oppsetting av forbodskilt mot camping på plassen. I tillegg vart det bede om fleire varselskilt for sau i vegen, og skilt på fleire språk om med info om bandtvangen i Stord kommune.
I svaret frå Tekniske tenester drift veg og grønt, blir det vist til at Kattnakkevegen og parkeringsplassen er kommunal, og stadfest av anlegget er mykje i bruk i sommarhalvåret i samband med friluftsliv. Så mykje at det er trong for auka parkeringskapasitet,og her er forprosjektet for utviding i arbeid.
Når det gjeld oppsett av forbodskilt mot camping er dette ei krevjande sak,
– Føremålet med friluftslova er å verna friluftslivet sitt naturgrunnlag og sikra ålmenta rett til ferdsle og opphald i naturen. Me vurderer at dersom ein ønskjer å forby bubil/camping langs Kattnakkevegen/parkeringsplassar må det byggja på ein formell søknad som må behandlast politisk. Søknaden må få fram konkret kva ulemper parkeringa medfører, heiter det svaret.
Men ønskja om meir skilting som varslar sauer i området, vil kommunen å etterkoma. Det vert i dette høvet vist til vegnormal N300, som opnar for at det kan nyttast fareskilt 146.5 sau, på stader kor dyr ofte kryssar eller oppheld seg på vegen.