Glade blir me når mannskap som steller vintervegane våre, anten det er kommunalt, fylkeskommunalt eller statleg, kjem med plog og strøsand så me skal klara å halda oss på beina. Men når det vårast i lufta og blir lengre dagar, set me kjempepris på å sjå kostebilar i aksjon. På tidleg føremiddagstid tysdag var det ikkje mindre enn to av dei i arbeid i byen. Ein i området kalla kollektivknutepunktet på kaien og ein langs Hamnegata. Me tek det som eit vårteikn, og seier takk for velgjort.