I mai 2001 opna Bømlabrua for trafikk og samstundes vart det slutt på ferjeruta over Stokksund, mellom Sagvåg og Siggjarvåg. Det var fylket som eigde og dreiv ferjekaien på Storeholmen, som nokre år etter ferjeslutt vart liggjande i reserve i tilfelle brukluss. Seinare har Stord kommune overteke eigedomen, og særleg i samband med kommunedelplanen for Sagvåg/Litlabø var det eit visst engasjement om kva tidelgare ventefiler og området elles burde brukast til.
Til planen, som enno ikkje har vore til realitetsavgjerd, kom det innspel om bubilparkering og gjestehaman. Over kaien går vegen til Flatholmen, der det har vore planar om utbygging av bustader.
– Nei, det er ikkje teke noko avgjerd om framtidsbruk av arealet, opplyser hamnesjef Inge Espenes til Stordront.no.
Han legg til at hamnestellet ynskjer å rydda opp i området og har i den samanheng meldt at det vil bli krav vederlag for landfeste for fleire flytebrygger som er lagt ut på innsida av ventefilene. Dersom bryggene blir fjerna innan første april, vil det ikkje bli kravd avgift, går det fram at eit rundskriv.