Onsdag 9. oktober 2024 sende Litlabø nærmiljøanlegg v/leiar og nestleiar førespurnad til kommunen om å få kjøpa tomta. Så vidt eg er kjent med, har dei enno ikkje fått svar. Eg har difor følgjande spørsmål som eg håper å få svar på i møtet i kommunestyret 20.02.25.
1. Kva er grunnen til at førespurnaden frå Litlabø nærmiljøanlegg ikkje er svart ut av Stord kommune?
2. På kva måte legg ordførar/kommunedirektør opp til at førespurnaden skal handsamast av kommunen?
Desse spørsmåla stilte representanten Gaute Straume Epland (AP) i Stord kommunestyre torsdag. Han fekk dette svaret:
Kommunestyret har bedt om ei sak til politisk handsaming der ein skal greia ut framtidig bruk av tomta og bygga til tidlegare Litlabø skule. Stord kommune er blitt kontakta og har hatt kontakt med ulike lag og organisasjonar som har vist interesse for deler av bygningsmassen og tomta. I samband med saksførebuinga har ein mellom anna fått takst på tomta og dei ulike bygningane. Etter planen vil saka verta lagt fram til politisk handsaming i mars/april. Alle som skriftleg har vist interesse for eitt eller fleire av bygga og, eller tomta vil få svar i etterkant av politisk handsaming