7,5 millionar kroner disponible på disposisjonsfondet, opplyste kommunedirektør Tommy Johansen til Stord kommunestyre på møtet torsdag. Og det skulle seia noko om den økonomiske stoda. Meir spennande var informasjonen den administrative leiaren i kommunen kom med om føreståande og publikums-engasjerande saker framover. Då er det særleg to saker som peikar seg ut:
Plassering av ny sjukeheim som er planlagt koma til avgjerd i kommunestyret i mai, med tanke på å nå målet om innflytting i 2026. Her står det framleis att å få inn takst for to aktuelle tomter.
Men alt i tillyst møte i Utval for oppvekst og kultur den 11. mars, ventar det opp mot elektrisk spenning når saka om ny storskule eller framhald for Langeland og Leirvik kjem til behandling. Fagutvalet skal gje si innstilling til vidare behandling i politiske organ.