84.000 kroner, som siste del av totalt 900.000 kroner i spelemidlar til Turnhallen, kom inn på Stord kommune sin konto i 1998. I 2014 vart idretts- og forsamlingshuset i Øvre Borggata selt til privat investor. Utbygging til bustadføremål på tomta låg i korta. Det arbeidet kom i gang sist sommar, med riving og byggestart for Turnhalltoppen.
I kulissane har det gått føre seg ei eiga sak om bruk av spelemidlar og det statuttane seier om tilbakebetaling av desse når det er blir endringar i drifta for tiltak staten har støtta. Såleis har ei sak om Turnhall-tilskotet vore til avgjerd i Kultur og likestillingsdepartementet og fylkeskommunen, som båe er samde om at det må betalast tilbake 45.000 kroner. Dette sidan sal/bruksendring av bygget skjedde før «avdragstida» på 20 år frå tildeling, var til ende. Noko som vert rekna som brot på retningslinene.
Kjøpar og seljar kan drøfta kven som tek rekningen, går det fram av statleg og fylkeskommunal korrespondanse.