Stord Musikklag med gjester inviterer nok ein gong til ein heidundrande nyttårskonsert Kulturhuset si storstove. Det skjer laurdag 25. januar klokka 17 00, under musikalsk leiing av dirigent Paul Hughes.
Musikklaget har nett feira 125-års jubileum og er i storform. Det vert sjølvsagt både Champagnegalopp og Radetzky marsj, og me har førebudd eit nytt spanande repertoar til Nyttårskonserten 2025, melder musikklaget. .
Det vert, som tradisjonen er på denne konserten, utdeling av kommunale prisar og stipend: Målprisen til FALTURILTU – nynorsk litteraturfestival for born og ungdom. Kulturstipendet til Jonas Tislevoll. Kulturprisen til Severin Eskeland og Reinert Horneland i selskapet Esk og Horn Filmproduksjon. Eldsjelprisen til Ivar Helleland – for verdfullt arbeid gjennom mange år i Venelaget for Gruo.