Ei raudt eldre bygg i sjøkanten inst i Huglavikjo har fått «nytt liv» etter ei større rehabilitering og modernisering. Salamon bua er blitt ein stad for utleige og ein samlingsstad kring kaffi og spennande kaker. Å ta vare på eldre kystbygg gjennom aktiv bruk er heilt i tråd med ideen bak nyskipinga Naustforeningen Nytt i Naust, med base på Sotra. Styreleiar Sverre Sangolt har sendt brev til kystkommunar, med oppmoding til smidigare saksbehandling ved bruksendring og istandsetjing av eksisterande bygningsmasse i 100-metersbeltet.
– Bakgrunnen er at våre medlemer møter langvarig og innimellom uskjøneleg og kostbar saksbehandling i møte med det offentlege. Riksantikvaren har slått fast at om lag 70% av naust/sjøbuer/kaiar/hengjer/sjøbrukinnretningar er i alvorleg forfall. Riksantikvaren slår alarm og har uttalt at no er det prekært å berga bygningsmassen gjennom ny bruk, før den vert borte for godt, påpeikar Naustforeningen Nytt i Naust.
(Red. mrk.: Denne saka vart først publisert 21/02/24)