TILBAKEBLIKK: Forsvarsleiinga i landet tok meldinga om at ein framand u-båt kunne vore observert på Husnesfjorden onsdag 27. april 1983 på høgste alvor. Det var to mann i arbeid for bømlofirmaet Amundsen Diving, som melde frå om observasjonen. Forsvaret sette straks i gang større søk i Sunnhordlandsbassenget, og i løpet av helga som stunda til vart det sendt ternebomber mot moglege objekt både ved Hidle, i Skånevikfjorden og Selbjørnsfjorden. Ingen såg noko meir til ubåten, men hendinga vekte åtgaum nasjonalt og litt internasjonalt. Store aviser og tv-stasjonar sende medarbeidarar til Stord, som vart sentrum for ubåtjakta. Ei lokalprodusert T-skjorte med ubåtmotiv vart eit populært minne etter opplevinga.
Redaksjonen i Sunnhordland hjelpte desse dagane journalistar og fotografar frå rikspressa med skrivebord og mørkerom, og nokre gode innspel i tillegg. Som då ein skrivande frå ei Oslo-avis sukka djup og lurte på kva nytt kan kunne skriv i saka denne dagen? – Det kan jo henda det er både to og tre ubåtar i fjordane i Sunnhordland, og det bør vel kunne nemnast, fekk han tips om. Det vart det godt oppslag av i neste dags utgåve…
