Om ikkje kvar sommardag så langt har hatt med seg høgtrykk, viser i alle fall arbeidet med høgtrykk-spylar godt att ved gjestehamna på Leirvik. Der har betongdekket på Ventekaien og Notahaugskaien fått seg ein omgang med trykkvatn og er blitt vesentleg trivlegare i utsjånaden. Og dermed også å ferdast på. Det er gilde ungdomar på sommarjobb som har gjort jobben, og etter det Stordront får opplyst står heilt ferdiggjering av vasken på arbeidsplanen. Dermed kan me slå fast at: – «Da stadigt kjeme seg på Vikjo.»