Det kunne godt har blitt føydd til eit «endeleg», då eit samrøystes Utval for byutvikling torsdag godkjende områdeplanen for Frugarden. Dette har nemleg vore eit langdryga sak, med ei rekkje motsegner å ta omsyn til undervegs. Sju år har det teke, men no er både grunneigar og kommune og fylke nøgde med løysinga som skal gje ny prosesjonsveg, ny gravplass, nye bustatomter og mogleg tomt til nytt kyrkjelydshus.
Og ikkje minst; – nytt veg (tverrsamband) frå krysset Ådlandsvegen/Tysevegen med bru over Frugardselva til møte med fylkesvegen i øvre Sæ. Her er fylkeskommunen byggherre, utan at vegen har fått noko prioritet i Vestlands fylke sin planar så langt. Kva gjer kommunen med det?
– Me nyttar alle høve til å snakka dette viktige tverrsambandet fram der me kan. Første målet er å få vegen inn på handlingsplanen for regional transportplan. Den skal til behandling alt neste månad, så me må henga i, svarar ordførar Sigbjørn Framnes.