Ny sjukeheim er planlagt i Knutsaåsen, og i den samanheng vonar tekniske tenester i kommunen å få gjennomført eit større veg, vatn og avløpsprosjekt. Frå krysset mot fylkesveg 544 i Sæ opp til møtet med E39 på Kattatveit skal det byggjast fortau langs «gamle» Litlabøvegen.
Når gravearbeid er i gang, nyttar ein høvet til å leggja nye leidningar for vassforsyning og avløp i grunnen. Eit høve til gjennomføring, ein har venta på i 13 år, vart det opplyst i møtet til Utval for byutvikling torsdag.
Tom Knudsen (H) spurde om mogleik for å laga ei avkøyring frå E39 til Kattatveit/Knutsaåsen, sidan det er snakk om kortaste vegen. Svaret var at det toget nok var gått.