Kommunestyret vedtok 21.03 nye mål for folkehelsearbeidet i Stord.
Mål for folkehelsearbeidet i Stord 2024-2028 (pdf)
Dei nye måla byggjer på oppdatert kunnskap, mellom anna frå Folkehelseoversikt Stord 2023 (framsikt.net). I denne oversikta blir det peika på tre hovudutfordringar for folkehelsa i Stord:
- Me blir fleire eldre og færre yngre
- Barn og unge slit med psykiske og sosiale vanskar
- Auke i utanforskap og sosiale skilnadar
Folkehelsemåla skal samordna innsatsen for å møta helseutfordringane, og bidra til å gjera Stord til eit helsefremjande og triveleg lokalsamfunn for alle.
Måla gjeld for alle kommunale einingar og tenesteområde. Dei skal forankrast i kommunen sine planar, og leggjast til grunn for prioriteringar og val av tiltak.
(MERK: Denne saka er henta i si heilskap frå Stord kommune sine heimesider etter avtale)