Opp med armen, alle som har opplevd at ein bil nær din bil har byrja blinka med lysa og senda frå seg intense tute-lydar på ferjedekket? Om me ikkje kan sjå alle armar i veret, er det rimeleg sikkert at me er mange som har irritert oss over desse alarmane som heilt utan grunn ureinar lydbiletet på ferja – særleg i sambandet Halhjem – Sandvikvåg (og andre vegen) Av den grunn er det kome oppslag om bord som ber bileigaren deaktivera bilalarmen før ein låser doningen og går opp i salongen.
«Et enkelt grep frå deg – skaper ro og trygghet for alle om bord», lyd bodskapen.