Steinslaget i fjellpartiet mellom Vaulane og Lundsseter Kraftstasjon viste seg ueigna for tunnelboring, og difor er ein større gravemaskin no i arbeid med å laga ny grøft langs vegen på same strekningen. Dei blå røyra med tverrmål på ca 60 centimeter som har lege lagra på parkeringsplassen ved kraftstasjonen eit langt år, skal såleis flyttast frå tunnel til grøft. Den nye vassrøyra skal sikra at det kjem vatn i springen til stordabuen, dersom uhellet skulle vera ute med leidningen ein har sett si lit til i mange år alt. Vassbakk og Stol er utøvande entreprenør for prosjektet.
