Boka «Posten i Fitjar» – stadfestar på side 84 at Fitjar kom med på det nasjonale postkartet for Noreg i 1859. 165 år seinare er ikkje posten heilt komen i rute i heradet, går det fram at e-post Rådhuset frå oppsitjar i Stranda krins. Han skriv:
«Som kjent har me her på Engevik/Engjavik levd i årevis utan adresse. Det skal ikkje mykje fantasi til å forstå kor bale dette har vore. Me trudde saka var løyst då me i haust fekk brev om at det frå då av var Engjavik som var tingen.»
Oppsitjaren gjekk straks i gang å melda omadressering til ulike etatar. Eit halvår er gått og han får melding frå både Brønnøysundregisteret, Sjøfartsdriektoratet +++, om at dei stadig får post adressert til Engjavik i Fitjar – i retur. Noko som har ført til mange timar ekstraarbeid og eit utal telefonar. – Det minkar rett og slett på tolmodet, skriv postkunden.
Som eit PS kan leggjast til at Postverket for rundt 100 år sidan såg seg nøydd til å endra namnet på postkontoret Mehammar (i Stord kommune) til Midhamar, grunna for mykje samanblanding med Mehamn i Finnmark.