– For ei tid sidan, før pandemien, bruka ordføraren å sitja på denne benken 1 time kvar fredag, slik at folk som hadde noko på hjarta om kommunepolitikken kunne spørja han direkte. Kanskje på tide å ta opp att den ordninga?
Jakob Vik har sendt Stordront.no dette grunngjevne spørsmålet, vedlagt bilete av ein førebels tom ordførarbenk i Amfi Stord. Kva seier ordførar Sigbjørn Framnes om innspelet?
– Joda, eg vil så absolutt halda fram med desse uformelle møta mellom veljarar og ordførar. Så lang i mi nye teneste har fredagane for kommunedirektøren og meg blitt brukte til å besøka skular og kommunale institusjonar. Me nærmar oss målgang på den runden og då reknar eg med at det blir fredagstime på Ordførarbenken. Det ser eg fram, lovar Framnes.