![](https://usercontent.one/wp/www.stordront.no/wp-content/uploads/2023/12/sjukepleiarteam-i-heimebaserte-tenester-foto-Haldis-Lauksund-1024x508.jpg)
Under kommunestyret i dag, 19. desember, vart pris for innovasjon og nytenking delt ut til heimebaserte tenester sitt sjukepleiarteam. Prisen skal påskjøna og motivera til nytenking og innovasjon innanfor kommunen.
Blant 7 kandidatar vant sjukepleiarteamet prisen. Grunngjevinga er at teamet:
- har ein ny måte å fordela oppgåver på og utføra arbeidet
- har betra kvalitet og effektivitet på tenestene
- har eintydig positiv omtale, samt at fråværet vart redusert
- er i tråd med nasjonale føringar og framtidstenkande med tanke på demografi
I tillegg er metodikken overførbar til andre einingar i kommunen.
– Dette inspirerer til å halda fram, tusen takk, sa einingsleiar Gina Kittilsen.
Kvart år kan tilsette melda inn kandidatar til pris for innovasjon og nytenking. Prisen skal tildelast ein eller fleire personar/einingar som gjennom sitt arbeid eller sine forslag medverkar til effektivisering, fagleg utvikling og/eller til betra trivsel og arbeidsmiljø i kommunen.
Det er Administrasjonsutvalet som er jury. Prisen er kr 10 000 og eit kunstverk med verdi inntil kr 10 000.
(MERK: Denne saka er henta i si heilskap frå Stord kommune sine heimesider)