I røynda er dette ein dobbelt spesiell fangst. For det første har hohummaren blå farge på skalet, der dei aller fleste andre i denne skaldyrfamilien er svarte. For det andre har fiskaren fått den blå hummaren i same teina to gonger. Begge gonger sett korrekt uti igjen fordi ho’a er full i rogn. Då er regelen om utisetting klar. På eksperthald blir det sagt at hummaren kan få endra ytre farge av maten ho/han et. Står til dømes blåskjel ofte på menyen, kan det resultera i blått skal.
På spørsmål om fangsten elles i haust, er tilbakemeldinga at det er bra med «kardinalar» å få. Og kanskje noko over normalen med rognhummar, som lovar godt for bestanden og framtida.