Gåande dagleg kryssar av Hamnegata føler litt for ofte at skilta om 40 km/t som høgste lovlege fart for bilar, ikkje blir følgde. Den gåande meiner dei dei fire overgangsfeltet på strekket frå Hamnetind mot Oma Slipp bør omarbeidast til opphøga versjon for å få ned snittfarten. Stordront.no har stilt Anne Randi Naurstad, kommunen sin driftsleiar for veg, parkering og grønt, tre spørsmål i saka.
- Kva skal til for å få ønskjet om opphøga gangfelt realisert?
Ein kan kome med innspel til kommunen. Her vil tiltaka verta prioritert ut i frå trafikktryggleiksrisiko og innanfor tilgjengeleg ressursar.
- Kan kommunen sjølv avgjera slikt?
Det er vegmynde som etter veglova har mynde til å etablera fysiske fartsdempande tiltak. Søknader om fysiske trafikktryggleikstiltak vert handsama av kommunen og vurdert mot kriteria sett i Statens vegvesen sine handbøker.
Det kan vera usemje om etablering av fartsdempande tiltak. Det er difor ynskjeleg å la andre medverke i prosessen. Dette kan vera m.a. politi, buss selskap, ambulanse, brannvesen og velforeiningar.
– Er det planar om fartsreduserande tiltak i Hamnegata ?
Det ligg ingen innspel om opphøgde gangfelt i gjeldande TS-plan. Det er heller ikkje kome inn ynskje om dette til kommunen.
Det er soleis ingen planar om opphøgde gangfelt i Hamnegata pr. i dag.