![](https://usercontent.one/wp/www.stordront.no/wp-content/uploads/2023/08/msrotterdam.jpg)
Måndag la hamnestellet ei lang flytebrygge ved Nattrutekaien, og fekk naturleg nok spørsmål om dette var ein mellombels snøggbåtkai i samband med hotellplanane på kaien.
– Nei, dette er ein mellombels cruisekai, i den tyding at tenderbåtar skal leggja til med cruisepassasjer som vil besøka Vikjo og Stord. Me får to slike besøk når det lid litt lenger ut i august, fortel hamnesjef Inge Espenes til stordront.no.
![](https://usercontent.one/wp/www.stordront.no/wp-content/uploads/2023/08/msambience.jpg)
Onsdag 23. ankrar den store M/S Rotterdam opp på Vikafle. Båten var ny i 2021 og har plass til 2668 passasjerar og eit mannskap på vel 1000, Skipet kjem frå Kristiansand og skal etter opphaldet i Leirvik vidare til Flåm.
Måndagen etter, den 28., kjem kvite og noko mindre M/S Ambience, som har segla «world-wide» sidan 1991. Dette skipet har plass til 1400 passasjerar.
![](https://usercontent.one/wp/www.stordront.no/wp-content/uploads/2023/08/cruisekai-1024x768.jpg)