Før han kjem til spørsmåla, dreg Geir Angeltveit (V) heile den lange soga om drøftingar, vedtak og meir drøftingar om etablering av offentlege toalett i Leirvik sentrum. Moglege løysingar har vore skisserte i fleire år, utan det så langt har kome til gjennombrot og sentrale døgnopne toalettdører til hjelp for trengande.
Ein gong var det nesten gjennombrot for ønskje om offentleg toalettordning i det som var tenkt som bussterminal i nordenden av Grand-bygget, der Sandras Grill held til. Det har også vore snakk om samlokalisering med drosjesentral, eller å skaffa heilautomatiske offentlege toalett, går det fram av innleiinga i Angeltveit sin interpellasjon. Til slutt spør han rådmannen konkret:
– Korleis enda samtalane med drosjenæringa?
– Fekk ein vurdert innkjøp av heilautomatiske offentleg toalett?
– Kan kommunen mogeleg ha (i det aller minste) tilgjengeleg nokre festivaltoalett til å setta ut i helger/særskilde arrangement?