![](https://usercontent.one/wp/www.stordront.no/wp-content/uploads/2023/05/maleri-sunnhordland-1024x536.jpg)
M/S «Sunnhordland» starta opp i ruta mellom Bergen og Skånevik med melllomstader i 1948. Den gongen som nyombygt frå krigsfarty til moderne fjordabåt, og held fram i ruta til 21. juni 1973. Då overtok kvikkare båtar passasjerfrakta og godset flytta seg over til bil og ferjer.
Eit godt tidsbilete på det som var viktigaste farkosten i samhandling «by og land» heng på ein gangvegg på Stord sjukeheim. Eit måleri som viser innsegling til Leirvik slik det var i 1950, der «Sunnhordland» passerer Skotteflui lykt. Den var «innhenta» då moloen kom på 1960-talet.
Leirvik mekaniske verkstad var på plass, men elles var det lite utbygt i ytre luten av Skotaberg-sida.
Maleriet er signert K.K. Kven det er, hadde vore gildt å få greie på – så send nokre ord til tips@stordront.no