Stordbuar i pensjonsalder, pluss minus, og iser dei med adresse kring Leirvik, fekk søndag morgon ei nostalgisk oppattfrisking av lyden luren på Fyrøya sende frå seg når utsynet forsvann i tåkedisen. Dette var i åtte- ni-tida, då tåkegrauten var på det tjukkast. Sikten i Langenuen og Bømlafjorden var sperra av havtåka som sei inn fjordane seint laurdag kveld. Kom ein litt i høgda kunne ein sjå ned på det tåkefulle landet, for der oppe skein morgonsola.
Tåkeluren som slapp frå seg buuuu-ing med jamne mellomrom, tippar me var stasjonert om bord i ein slepebåt på veg nordover. Kraftpluggen gav melding om at det var farty i fart inne i tåkeland. Det var same lyden som var å høyra i området då fyrvaktaren starta opp luren på Fyrøya.