![](https://usercontent.one/wp/www.stordront.no/wp-content/uploads/2023/05/styrehusbibliotek-1024x684.jpg)
– Me håpar dette kan bli eit positivt tiltak for bygda, og for oss som er glade i å lesa. Ta eit bok, lever ei bok, blir prinsippet.
Dette skriv to oppsitjarar i Dåfjorden i ein original søknad om støtte, sendt Fitjar kommune. Planen er å innreia eit landsett skøytestyrehus til minibibliotek. Styrehuset, som står på privat grunn like nedom Dåfjorden bedehus, må oppgraderast innvending med nytt golv, kledde vegger og bokhyller.
– Me som tek initiativ til dette samarbeider med grunneigar/styrehuseigar, Dåfjorden Velforening og «Liv og Lyst-prosjektet», vert det kunngjort i søknaden.