Ikkje før hadde stordront.no fått oppmoding om å undersøkja kva tid Kattnakkevegen blir opna for vanleg tullande trafikk, så kjem gladmeldinga for påsken opp på heimesida til kommunen. Tysdag melde Tekniske tenester at vinter-skiltet som set forbod mot køyring til Øvra Heio er fjerna og at vegen no er opne for trafikk igjen.
Betre høve til passering for motkomande bilar og større parkeringsplass der oppe, må me enno venta på – jamfør artikkel her på nettavisa etter kommunestyremøtet torsdag der Kattnakkevegen var emne for spørsmål og svar.