Ei rekkje av bebuarar på Stord sjukeheim har dei tre første månader av 2023 vore aktivt med på ergometersykkelrittet «Pedal on – Road Worlds for seniors». Til trøinga har ein henta inspirasjon frå spesielle program på tv-skjermane.
Tysdag denne veka var det sosialt samvær i Hauglandstova, med medalje- og diplomtildeling. Då aktivitør Kjersti Muri kunngjorde at John Granli (91) tok gullet etter å ha pedaltrødd 913 kilometer i løpet av perioden frå 12. januar til 12. mars, vart det stor applaus frå salen.
Imponerande – ikkje minst av det faktum at distansen tilsvarar 15 turar rundt stordøy.