Første tysdagen i mars 2023, blir ein merkedag i det langsiktige arbeidet for å få hydrofoilen «Ekspressen» opp «på albogane» og i drift igjen.
Mange år er alt gått sidan den snøgge snøggbåten gjekk ut av ruta mellom Sauda og Stavanger, og faktisk er det alt gått 6-7 år sidan «Ekspressen» vart frakta til Oma Slipp med føremål restaurering. Mangel på deler har vore sterkt medverkande til at arbeidet har stått litt i stampe – men no losnar det, fortel Steinar Warland, leiar i stiftinga DSD Ekspressen.
– Me har fått tak i ein ca 60-modell hydrofoil frå verft i Italia, ein båt nett lik «Teisten» som var særmerkt med styrehuset midtskips. Namnet er «Freccia del Giglio», og båten vart nyleg frakta til Stavanger på trailer. Måndag blir hydrofoilen sett om bord på «Lysefjord» som skal til Oma Slipp for ombygging og tek med veteranen som dekkslast, opplyser Warland til stordront.no.
Oddvar Oma ved var med til Italia og gjorde fartyet klart for turen til Noreg. Han fortel til nettavisa at det om bord er mangt som skal flyttast over til «Ekspressen», og nemnet særskilt maskin og mykje interiør som har hulde seg godt i snart 70 år. – Me går inn i ein spennande fase for restaureringsprosjektet, fastslår Oma.
Det som førebels manglar, er sjølve foilane. Det er spora opp eit par på eit museum i Japan, men det kan også vera ei løysing at det blir bygt nye på Stord.
«Lysefjord» med si spetielle last er venta til Oma Slipp tysdag mellom klokka 1300 og 1400.
