– Er du godt vaksen og lurer på kva som finst av aktivitetar å vera med på i kommunen din?, – vart det spurt i invitasjonen til fritidsmessa i Kulturhuset torsdag. Invitasjonen var signert Eining for kultur og gruppa som jobbar for ein aldersvenleg Stord-samfunn. I vestibylen venta svaret i form av 25 lag og organisasjonar som informerte om eit mangfald av aktivitetar som kan gjera alderdomen både spennande og lærerik.
Her fekk ein møta Stord sogelag, Frelsesarmeen, Bua, NAAF lokallag, Lønning Lutlandbruk, Røde Kors, Venelaget for Leirvik fyr, Venelaget for Gruo, IKK Internasjonal kulturklubb, Stordkoret, 4H Hordaland, Trimmen, Golfklubben, HLF, Husflidslaget, Leirvik Mannskor, Stord/Fitjar turlag, Stord revmatikarlag, Knivklubben, Pensjonistforbundet, Stord Maritime Museum, Digital helsekompetanse, Temakafe og Brigdeklubben.
I Kunsthallen måtte det fraktast inn fleire ekstra lass med klappstolar for gi sitjeplass til dei mange som ville høyra Lars Mugaas fortelja om sine 77 år i Stordidretten. I ein alder av 87 år er han framleis ein del av den aktive idretten – no som instruktør for «gubbetrimmen» på Hystad skule to kveldar i veka. – Der er det plass til fleire, sa han – som ei påminning om at bøy og tøy og balanseøving er viktigare desse fleire åra våre blir.
I vestibylen kunne frammøtet toppast med nyyydelege nysteikte lappar frå bygdekvinnelaget.
Eit alle tider arrangemenet, som kommunen skal ha all god honnør for, var den gjengse kommentar frå dei stordront.no prata med.
