Det har gått ein del år sidan Liv Kari Eskeland (H) var ordførar i Stord kommune. Eit av mange ærefulle oppdrag for den politiske leiaren var å klyppa snor og erklæra ei turløype på Litlabø for opna.
Dette skjedde etter politisk vedtak om «omdøyping» av Hustredalen til Hustrudalen. Det vart naturlegvis påpeikt alt då, at skiltet som inviterer til turgåing måtte fornyast i takt med nytt namn. Førebels har ikkje det skjedd, og vårt tips til nyttårsfortsett for rette instans, blir å byta e’en med ein u.
Verkar litt rart at det på eine sida av inngangen til dalen står Hustredalen på skiltet, medan turlaget sitt rutekart med info på andre sidan av vegen fortel om Hustrudalen.